Taħditiet dwar l-arti
DATA: 12 – 10 – 2019
POST: MUŻA, Auberge d’Italie, Triq il-Merkanti, Valletta
MICAS u s-Serpentine Galleries ippreżentaw żewġ sessjonijiet ta’ taħditiet imnebbħa mir-riċerka u l-prattika tal-artist Pierre Huyghe fl-okkażjoni tal-ftuħ tax-xogħol tiegħu Exomind (Deep Water) f’Malta. Esperti fil-filosofija, ix-xjenza, l-antropoloġija, it-teknoloġija, l-arti u l-ekoloġija ġew mistiedna jieħdu sehem f’taħditiet li jieħdu x-xogħol ta’ Huyghe bħala punt tat-tluq b’enfażi fuq li jitwieġbu mistoqsijiet bħal: kif nistgħu nirrispondu għat-tibdil fil-klima minn dixxiplina għall-oħra? Kif nistgħu nerġgħu naħsbu dwar il-pożizzjoni tagħna fid-dinja? Fejn għandna nfittxuha l-għajnuna? Dan il-panel internazzjonali tmexxa minn Hans Ulrich Obrist, Direttur Artistiku tas- Serpentine Galleries, u Rebecca Lewin, Kuratriċi tal-Wirjiet u d-Design, li ħadmet ma’ Huyghe fuq il-wirja riċenti tiegħu s-Serpentine Galleries, bit-titlu UUmwelt (2018).
L-EWWEL SESSJONI: Il-biotħabbil u d-diżlokazzjoni
Kelliema: Simone Borg, Flora Katz, Manthia Diawara
Immexxija minn Hans Ulrich Obrist
IT-TIENI SESSJONI: Is-sistemi bħala iperoġġetti, l-iperoġġeti bħala sistemi
Kelliema: Emanuele Coccia, Nora N. Khan, Niki Young
Immexxija minn Rebecca Lewin
Il-MICAS Art Talks kienu parti mill-Weekend Internazzjonali tal-Arti tal-MICAS, u ġew organizzati bl-appoġġ ġentili tal-Air Malta, Heritage Malta, l-Awtorità Maltija għat-Turiżmu, il-Ministeru għall-Ġustizzja, il-Kultura u l-Gvern Lokali, id-Direttorat tar-Restawr u l-MUŻA.