Bi djalogu transatlantiku u ambizzjuż bejn il-passat u l-preżent, Reggie Burrows Hodges ikompli japprofondixxi l-involviment tiegħu mal-istorja tal-arti permezz ta’ xogħol ġdid li jgħaqqad il-pitturi antiki tar-Rinaxximent mal-esperjenza ta’ ħajja kontemporanja.

Reċentement, ir-riċerka tiegħu dwar il-lingwa viżiva drammatika tal-pitturi Orazio Gentileschi u bintu Artemisia Gentileschi – li xogħolhom Hodges ltaqgħa miegħu fil-kollezzjoni tal-Mużew Getty – infurmat serje impressjonanti li teżamina l-vjolenza, id-drama, u t-tensjoni narrattiva fil-pittura tas-seklu 17.

Din l-esplorazzjoni ssib kontinwazzjoni qawwija f’Reggie Burrows Hodges: Mela, il-wirja storika ta’ Hodges fil-MICAS, u l-ewwel preżentazzjoni personali tiegħu fl-Ewropa. Mill-9 ta’ Mejju sat-30 ta’ Awwissu 2026, il-wirja tlaqqa’ aktar minn 30 xogħol ġdid żviluppati matul ir-residenza tal-artist f’Malta – l-aktar xogħol ambizzjuż tiegħu sal-lum.

Ikkurata minn Edith Devaney, Reggie Burrows Hodges: Mela tiżvolġi madwar l-erba’ sulari tal-gallerija tal-MICAS, fejn l-idjoma distintiva ta’ Hodges se tkun fil-qalba tal-pajsaġġ kulturali u storiku tal-gżira. Magħruf għall-kompożizzjonijiet tiegħu bbażati fuq sfond iswed faħma, Hodges jikkoltiva figuri u ambjenti li joħorġu gradwalment minn dan l-isfond, b’emfażi fuq atmosfera minflok realiżmu.

Bħall-intensità emozzjonali li identifika fix-xogħlijiet ta’ Gentilesschi, is-sensittività ta’ Hodges għal din in-narrattiva ssib reżonanza ġdida f’Malta bil-pittura monumentali u speċifika għas-sit li twieġeb direttament għal The Beheading of Saint John the Baptist ta’ Caravaggio, fejn Hodges jinterpreta mill-ġdid l-iskala u l-gravità ta’ din il-kompożizzjoni permezz ta’ lenti kontemporanja.

F’xogħol ieħor, is-serje kontinwa tiegħu ta’ “Labor” (xogħol) tiffoka fuq il-ħaddiema tal-kostruzzjoni ta’ Malta, u tinkorpora temi ta’ reżistenza u dinjità fl-ambjent mibni ta’ gżira li qed tevolvi malajr.

Il-wirja tal-MICAS se tinkludi l-pajsaġġi tal-baħar ta’ Hodges, bi preżenza viżiva u simbolika tal-Mediterran. Il-bagi fl-ilma, ix-xtut Maltin kif ukoll xeni tipiċi tal-għawm huma l-motifi rikorrenti f’din it-tapizzerija marittima – estensjoni tal-interess ta’ Hodges fl-intersezzjoni tal-post u l-memorja.

Hu u jirrifletti fuq din il-wirja, Hodges jiddeskrivi lil Mela bħala “poeżija għal Malta” – karatterizzazzjoni xierqa għal wirja li tissintetizza l-involviment tiegħu fl-istorja tal-arti fl-istituzzjonijiet.