Rajesh Punj huwa kritiku tal-arti, korrispondent, kuratur u kollezzjonista bbażat bejn Antwerp u Londra. Għandu sfond akkademiku fl-Istorja tal-Arti Ewropea u Amerikana u fil-Kurazija mill-Università ta’ Warwick u minn Goldsmiths, it-tnejn fir-Renju Unit. Minbarra għarfien avvanzat tax-xena tal-arti kontemporanja, għandu wkoll apprezzament usa’ tas-swieq il-ġodda, fosthom tal-Indja u tal-Pakistan. Il-vjaġġi estensivi tiegħu wassluh biex intervista artisti, filantropi, akkademiċi u skulturi ewlenin. Bħalissa qed jiġbor it-tieni volum ta’ intervisti magħżula ma’ artisti ewlenin, li jġibuh lura lejn l-interessi internazzjonali tiegħu. Fost dawn l-artisti, hemm Hiroshi Sugimoto, Sean Scully, Joana Vasconcelos, Bill Viola, Cerith Wyn Evans u Bharti Kher. Bħala korrispondent u kritiku, jiġi kkummissjonat regolarment minn galleristi f’Antwerp, Pariġi u Londra għal kitibiet fil-katalgi, pubblikazzjonijiet għall-artikli, u intervisti, fosthom fi Sculpture (Washington DC), DAMN (Amsterdam, Antwerp), Asian Art Newspaper (Londra), Art&Deal (New Delhi); u qabel, Elephant (Londra), Flash Art International (Milan), Harper’s Bazaar Art, (Dubaj), Art Paper (Bejrut), ARC (Saint Vincent u l-Grenadini), u Art Zip (Beijing, Londra).

Ritratt bil-permess ta Rajesh Punj.