Henni Alftan, Harold Ancart, March Avery, Andrew Cranston, Gary Hume, Nicolas Party u Jonas Wood

Il-MICAS qed jippreżenta wirja prominenti li tesplora l-influwenza kontinwa tal-pittur Amerikan Milton Avery (1885-1965) fuq l-arti kontemporanja. Bħala figura kruċjali tal-pittura Amerikana fis-seklu 20, Avery bena pont bejn l-Impressjoniżmu Amerikan u l-Espressjoniżmu Astratt, u bih irċieva ammirazzjoni minn artisti bħal Mark Rothko, Barnett Newman, u Adolph Gottlieb. Il-ħakma tiegħu tal-kulur, forom simplifikati, u l-użu ta’ saffi ta’ pjanuri ta’ kuluri huma ċċelebrati f’kollezzjonijiet ewlenin ta’ mużewjiet bħall-MoMA, fi New York; The Whitney Museum of American Art, u n-National Gallery of Art, f’Washington DC.

Din il-wirja tikkonsisti f’għoxrin pittura u diversi akkwarelli li jkopru l-karriera sħiħa ta’ Avery – mill-pjanuri u x-xeni domestiċi bikrin influwenzati mill-Moderniżmu Ewropew, sal-aħħar xogħlijiet tiegħu li jispikkaw għall-iskala kbira tagħhom, l-astrazzjoni aktar kuraġġuża, u l-kulur mhux assoċjattiv. L-għażla titfa’ dawl fuq l-evoluzzjoni ta’ Avery u l-impatt profond tiegħu fuq ġenerazzjonijiet ta’ artisti li ġew warajh.

Il-wirja ssaħħaħ l-argument li x-xogħol ta’ Milton Avery għadu jinfluwenza lill-artisti tal-lum, permezz ta’ xogħlijiet minn seba’ pitturi rinomati kontemporanji – March Avery, Harold Ancart, Andrew Cranston, Henni Alftan, Gary Hume, Nicolas Party, u Jonas Wood – li kull wieħed minnhom iwieġeb għal-legat ta’ Avery bil-mod tiegħu. Il-kontribut tagħhom, minn interpretazzjonijiet litterali sa diwi aktar intuwittiv tal-istil u s-sensibbiltà ta’ Avery, jirrifletti r-relevanza kontinwa ta’ xogħlu.

Bl-eżaminazzjoni mill-ġdid tal-irwol ta’ Avery fit-tagħġin tal-arti moderna u kontemporanja, din il-wirja tintroduċi fergħa ġdida fil-programm tal-MICAS, waħda li tikkunsidra mill-ġdid l-influwenza storika fid-diskors artistiku globali kurrent.

L-għajnuna ewlenija għal din il-wirja ngħatat mill-Ministeru għall-Wirt Nazzjonali, l-Arti u l-Gvern Lokali – Gvern ta’ Malta, The Milton and Sally Avery Arts Foundation, u Waqas Wajahat.