Huwa bi pjaċir li qegħdin inħabbru l-ftuħ imminenti tal-wirja “L-Ispazju li Ngħammru Fih”, li se tiftaħ għall-pubbliku fl-14 ta’ Ġunju.

Din hija t-tieni wirja fil-MICAS, li ssegwi l-wirja inawgurali mill-isbaħ li kellna tal-artista Portugiża Joana Vasconcelos, u bħall-ewwel wirja tagħna, turi l-impenn għas-saħħa tal-programm artistiku tagħna.

L-istaff tal-MICAS jifhem li huwa imperattiv li nagħmlu l-marka tagħna bħala mużew kemm hawn f’Malta kif ukoll globalment billi nippreżentaw wirjiet innovattivi ta’ sinifikat u kwalità li jagħmlu impatt fuq ix-xena tal-arti dinjija u jgħollu l-livell nazzjonalment.

Ħdimna ħafna biex infasslu programm li huwa kkaratterizzat mill-eċċellenza, ir-rilevanza u r-rigorożità, u konxji li dan l-approċċ se jgħin biex il-MICAS jitqiegħed fuq il-mappa tal-arti globali – infatti dam huwa l-mandat tagħna, l-internazzjonalizzazzjoni, biex jattira wkoll artisti tal-ogħla kalibru biex jaħdmu magħna. Programm bħal dan huwa mfassal ukoll biex ilkoll nieħdu pjaċir, biex jinforma u jeduka lill-udjenzi tagħna, u jagħtihom esperjenza ta’ klassi dinjija ta’ arti kontemporanja u ta’ kwalità konsistenti, hawnhekk f’Malta.

Eċċitati b’din il-wirja li ġejja, u wkoll għal dawk li jsegwu. Aktar tard dan is-sajf se niftħu wirja ffukata, fl-ispazju tat-Tieni Sular tagħna, daw dan il-bini stess, l-arkitettura tiegħu u l-proġett ta’ wirt storiku li huwa parti minnu; u f’Ottubru se niftħu wirja ambizzjuża ħafna li tinkludi x-xogħol ta’ Milton Avery, bi tweġibiet għax-xogħol tiegħu minn seba’ artisti internazzjonali ewlenin, li l-biċċa l-kbira tagħhom ħolqu xogħol ġdid biex juruh hawn f’Malta.

Kien hemm ħafna interess globali f’din il-wirja rivoluzzjonarja dwar Avery, li nittamaw li se jdur postijiet oħra internazzjonali.

Dik il-wirja se tkun segwita f’Marzu 2026 minn wirja personali tax-xogħol tal-pittur Afrikan-Amerikan Reggie Burrows Hodges, li qed jipproduċi korp ta’ xogħol ġdid hawnhekk f’Malta. Dawn il-wirjiet u oħrajn fil-programm lil hinn, jiżvelaw l-impenn tagħna mhux biss li nuru arti kontemporanja ta’ livell għoli, iżda li nassumu pożizzjoni fi ħdan id-djalogu internazzjonali dwar l-arti u li npoġġu lill-MICAS u lil Malta fil-pożizzjoni ta’ mexxej globali f’dan il-qasam.

Din il-wirja li jmiss tippreżenta x-xogħol ta’ sitt artisti famużi Caesar Attard, Vince Briffa, Austin Camilleri, Joyce Camilleri, Anton Grech u Pierre Portelli. Kien privileġġ għalija li nsir naf lil kull wieħed minnhom u nifhem iżjed il-prattika tagħhom.

Kollha huma parti min-nisel ta’ għexieren ta’ snin ta’ perjodu b’saħħtu ta’ arti u kultura f’Malta li ra x-xena tal-arti kontemporanja tagħha toħroġ minn tapizzerija storika rikka ffurmata minn influwenzi Mediterranji u Brittaniċi diversi, bl-iżvilupp modern tagħha jikseb momentum wara l-indipendenza fl-1964. Matul is-seklu 20, l-arti Maltija evolviet minn stili akkademiċi tradizzjonali lejn il-moderniżmu, bl-artisti tagħha ta’ spiss jitħarrġu f’ċentri Ewropej, jinvolvu ruħhom f’temi globali filwaqt li jżommu konnessjonijiet mal-wirt kulturali uniku tal-gżira. Għal ħafna, dan wassal għal rikonoxximent u opportunitajiet ferm lil hinn minn Malta.

Is-sitt artisti li jidhru f’din il-wirja huma kollha eżempji ta’ din il-kisba, bi kważi kollha jistabbilixxu reputazzjonijiet estensivi.

Irranġati madwar it-tema tal-ispazju – kemm reali kif ukoll immaġinati – kull wieħed minn dawn l-artisti wieġeb b’modi differenti, b’xi wħud jevokaw sens ta’ pajsaġġ u oħrajn jieħdu perspettiva aktar kunċettwali dwar l-idea tal-ispazju, u b’estensjoni, il-post.

Imqiegħda fit-tliet sulari ewlenin tal-wirja tal-mużew, ix-xogħlijiet ta’ kull artist se jinteraġixxu, u joħolqu diskors viżiv li jesplora l-kunċett u r-realtà tal-ispazju li kull wieħed minna jipperċepixxi u jgħix fih. L-artisti kollha se jkunu rappreżentati minn bosta xogħlijiet, li ħafna minnhom ġew prodotti u adattati speċifikament għal din il-wirja.

Aħna eċċitati ħafna li nippreżentaw din il-wirja ta’ xogħol eċċezzjonali, u eċċitati wkoll li nwassluha fuq pjattaforma globali sabiex tkun tista’ tidħol f’impenn sinifikanti fid-djalogu globali dwar l-arti kontemporanja.