Il-MICAS qed ifittex Assistent Disinjatriċi / Disinjatur Grafiku dinamika/u u b’esperjenza biex j/taħdem mill-qrib u j/twettaq il-viżjoni u l-missjoni tal-MICAS.

Dan is-servizz se jitħallas bir-rata ta’ €12.02 kull siegħa, VAT eskuża. Dan huwa ‘Kuntratt għal Servizz’ ta’ sentejn (2), bil-possibbiltà li jiġġedded għal sena (1) oħra.

L-Isfond

Il-Malta International Contemporary Art Space (MICAS) irid isaħħaħ l-infrastruttura kulturali ta’ Malta billi jipprovdi pjattaforma għall-arti kontemporanja u l-internazzjonalizzazzjoni.

Il-MICAS mhux biss vetrina għall-artisti kontemporanji lokali imma wkoll qed jingaġġa ma’ istituzzjonijiet internazzjonali biex jippreżenta xogħlijiet innovattivi ta’ artisti rinomati minn madwar id-dinja. Il-MICAS għandu l-għan li jenerġizza pożittivament l-ekoloġija kulturali ta’ Malta u jħalli impatt fuq ir-reġjun Ewro-Mediterranju li huwa jgħix fih.

Il-missjoni tagħna hija li nippromwovu l-arti kontemporanja billi noħolqu kuxjenza pubblika dwar l-importanza tagħha fil-ħajja moderna, u biex nitfgħu dawl fuq kif l-arti u l-artisti jikkontribwixxu għal kif ninterpretaw u nibnu d-dinja li ngħixu fiha.

Il-MICAS huwa proġett ta’ legat infrastrutturali mill-Gvern ta’ Malta għas-settur tal-Kultura u l-Arti.

Is-Servizzi Meħtieġa

L-applikant(a) magħżul(a) se j/tgħin lill-uffiċjal anzjan inkarigat mid-Disinn Grafiku u se j/tiġi assenjat(a) kompiti mill-Maniġer tal-Marketing u l-Komunikazzjoni kif ukoll mill-Kap Eżekuttiv.

Għajnuna fid-Disinn

• J/Tgħin fil-ħolqien ta’ materjal għall-marketing (pereżempju, grafiċi għall-midja soċjali, fuljetti, preżentazzjonijiet, mudelli għall-emails, vidjos qosra).
• J/Tuża għodod bħall-Canva, l-Adobe Creative Suite, jew oħrajn simili biex j/tiddisinja kontenut viżiv.
• J/Tgħin iżomm/iżżomm konsistenza fil-branding fuq il-materjal kollu.

Għajnuna Klerikali u Amministrattiva

• J/Torganizza u j/żżomm faljs u assi tal-marketing diġitali.
• J/Tgħin fl-organizzazzjoni, l-għażla, u l-editjar tar-ritratti.
• J/Tassisti bid-dħul tad-data, isegwi/issegwi l-prestazzjoni tal-kampanji, j/torganizza l-Google Drive, u j/taġġorna l-lista tal-kuntatti.
• J/Tiskeda u j/tħejji materjali għal laqgħat jew preżentazzjonijiet marbuta mal-marketing.
• J/Tgħin fil-loġistika tal-avvenimenti.
• Iżomm/Iżżomm inventarju aġġornat u b’tabelli ċari tal-materjali kollha tal-marketing.
• J/Tikkomunika direttament mal-fotografi u l-vidjografi rigward aġġornamenti tal-avvenimenti u l-organizzazzjoni tal-folder.
• J/Taderixxi ma’ skadenzi stretti.

Għajnuna Ġenerali

• J/Tirriċerka b’mod bażiku online (pereżempju analiżi tal-kompetituri, ix-xejriet).
• J/Tgħin fil-ġestjoni u l-aġġornament tal-pjattaformi tal-midja soċjali taħt superviżjoni.
• I/Twettaq dmirijiet oħra kif mitlub(a) biex j/tgħin lit-tim tal-marketing.
• I/Twettaq kompiti addizzjonali kif assenjat(a) mill-Maniġer tal-Marketing u l-Komunikazzjoni jew mill-Kap Eżekuttiv biex j/tgħin fl-avveniment jew proġetti oħrajn tal-MICAS.

Il-Ħinijiet tax-Xogħol

L-applikant(a) magħżul(a) se j/tintalab j/taħdem medja ta’ erbgħin (40) siegħa fil-ġimgħa. Waqt li l-iskeda tax-xogħol hija ġeneralment f’konformità ma’ ħinijiet tal-uffiċċju standard, il-persuna magħżula tista’ tintalab taħdem sigħat addizzjonali, fosthom filgħaxija u matul tmiem il-ġimgħa, speċjalment fit-tħejjija finali għal avvenimenti jew matulhom.

Kwalifiki u Esperjenza Meħtieġa

Sad-data u l-ħin tal-iskadenza ta’ din l-Espressjoni ta’ Interess, l-applikanti jeħtieġ ikollhom:

• Lawrja rikonoxxuta fil-Livell 6 tal-MQF (suġġett għal minimu ta’ 180 krettu skont l-ECTS/ECVET) fl-Arti Diġitali jew qasam relatat, u għall-inqas sena ta’ esperjenza fid-disinn u l-programmar.
• Għarfien bażiku fl-għodda tad-disinn (pereżempju Canva, Adobe Illustrator, Photoshop, jew simili).
• J/Taf j/taqra u j/tikteb bil-Malti u bl-Ingliż.
• Reqqa fid-dettalji u ħiliet organizattivi eċċellenti.
• Ħiliet verbali u ta’ kitba fil-komunikazzjoni.
• Attitudni affidabbli, effiċjenti, u proattiva, u l-abbiltà ta’ ħidma f’ambjent ta’ tim.
• Abbiltà ta’ ħidma taħt pressjoni qabel u wara l-avvenimenti.
• Għarfien ippruvat tas-settur kulturali ta’ Malta.

Ħiliet Supplementari

• Esperjenza fid-disinn grafiku, ħolqien ta’ kontenut, u għodod ta’ skedar.
• Familjarità mal-Microsoft Office u/jew il-Google Workspace.
• Interess fil-branding, il-komunikazzjoni viżiva, u l-marketing diġitali.

Applikazzjonijiet

L-applikanti interessati mitluba jressqu ittra ta’ motivazzjoni, CV, u kopji attestati taċ-ċertifikati relevanti f’email indirizzat lil people@micas.art.

L-iskadenza għall-applikazzjonijiet: Tlieta, 17 ta’ Gunju 2025, sa nofsinhar (CET).

L-applikanti eliġibbli jissejħu għal intervista.

Applikazzjonijiet li jaslu wara d-data u l-ħin tal-applikazzjoni (jiġifieri applikazzjonijiet tard) ma jiġux ikkunsidrati.

L-applikanti jingħataw sa jumejn (2) tax-xogħol wara d-data ta’ skadenza jew jumejn (2) tax-xogħol wara notifikazzjoni, liema hija l-aktar riċenti, biex iressqu kwalunkwe dokumenti neqsin, mhux korretti, jew mhux kompluti.