Il-MICAS qed ifittex Uffiċjal Anzjan (Midja Soċjali u l-Marketing Diġitali) dinamiku u b’esperjenza biex jaħdem mill-qrib u jwettaq il-viżjoni u l-missjoni tal-MICAS.

L-Isfond

Il-Malta International Contemporary Art Space (MICAS) irid isaħħaħ l-infrastruttura kulturali ta’ Malta billi jipprovdi pjattaforma għall-arti kontemporanja u l-internazzjonalizzazzjoni. Malta se tkun qed tieħu pass importanti ’l quddiem meta jiġi varat dan l-ispazju, u se ssir protagonista proattiva tad-dinja tal-arti kontemporanja.

Il-MICAS mistenni jiftaħ fil-ħarifa tal-2024. Il-MICAS mhux biss se jkun vetrina għall-artisti kontemporanji lokali iżda se jikkollabora wkoll ma’ istituzzjonijiet internazzjonali madwar id-dinja biex jippreżenta xogħlijiet rivoluzzjonarji minn artisti prestiġġjużi minn madwar id-dinja.

Il-MICAS għandu l-għan li jenerġizza pożittivament l-ekoloġija kulturali ta’ Malta u jħalli impatt fuq ir-reġjun Ewro-Mediterranju li huwa jgħix fih. Il-missjoni tal-MICAS hija li jippromwovi l-arti kontemporanja billi joħloq kuxjenza pubblika lejn is-sinifikat tal-arti viżiva fuq il-ħajja kontemporanja, u billi jpoġġi fuq quddiem nett il-mod kif l-arti u l-artisti jikkontribwixxu għal kif niżnu u ninterpretaw id-dinja li ngħixu fiha. Il-MICAS huwa proġett ta’ legat infrastrutturali mill-Gvern ta’ Malta għas-settur tal-Kultura u l-Arti.

Is-Servizzi Meħtieġa

J/Tirrapporta lill-Maniġer (Komunikazzjoni u Marketing) u l-Kap Eżekuttiv, l-Uffiċjal Anzjan (Midja Soċjali u Marketing Diġitali), mitlub(a) itella’/ttellgħa powsts kull ġimgħa fuq il-paġni ta’ Facebook u Instagram, j/tamministra kontenut tal-midja soċjali biex j/tippromwovi l-proġetti u l-avvenimenti tal-MICAS, j/toħloq u j/taġġorna kalendarju tal-midja soċjali. Dan l-irwol huwa qabelxejn prattiku u jinvolvi ħidma fi ħdan tim.

Ir-Responsabbiltajiet Ewlenin

1. Midja Soċjali – Responsabbli minn powsts kull ġimgħa fuq il-paġni ta’ Facebook u Instagram.
   • Rapporti analitiċi kull ħmistax.
   • Jittellgħu powsts minn żmien għal żmien fuq LinkedIn.
   • J/Toħloq paġni fuq Twitter u TikTok f’isem il-MICAS.
   • J/Tibboostja powsts skont il-baġit stipulat.
   • J/Taġġorna n-nefqa fil-baġit tal-powst ibboostjat.
2. J/Tiddiskuti, j/tippjana u j/toħloq kontenut attraenti fuq il-midja soċjali biex j/tippromwovi l-proġetti u l-avvenimenti tal-MICAS.
3. J/Toħloq u j/taġġorna l-kalendarju tal-midja soċjali viżibbli għat-tim kollu fuq il-Google Drive.
4. I/Żżomm ruħu/ha aġġornat(a) mal-aħħar tendenzi u pjattaformi tal-midja soċjali.
5. J/Tikkontribwixxi għall-komunikazzjoni u l-ippjanar, il-kalendarju u l-istrateġija tal-marketing.
6. J/Tiddokumenta u j/ssegwi kull ġimgħa l-proġetti tal-MICAS, permezz tal-vidjografija u l-immaġnijiet, ipprovduti mill-fotografu/a u l-vidjografu/a tal-MICAS.
   • I/Ssegwi s-sigħat li dawn jaħdmu.
   • I/Ssegwi l-fatturar u l-pagamenti ta’ dawn it-tnejn.
   • J/Tiżgura li darba fix-xahar il-MICAS ikollu l-immaġnijiet tal-binja, u l-eżibizzjonijiet ġewwa.
   • J/Tiżgura li l-fotografu/a u l-vidjografu/a huma disponibbli għal tragwardi ġodda.
7. J/Tappoġġja b’mod eċċezzjonali lill-komunitajiet fuq il-midja soċjali tal-MICAS li jinsabu fuq Facebook, Twitter, Instagram, LinkedIn, u YouTube billi j/timmodera, u j/tirrispondi għall-messaġġi u r-rispons li jiġu eskalati fil-ħin u b’mod inkoraġġanti.
8. J/Tippjana, j/toħloq u j/twassal kontenut fuq il-midja soċjali li huwa attraenti, kreattiv u mmirat għall-udjenza, skont il-linji gwida tal-branding u l-ambizzjonijiet u l-objettivi usa’ organizzattivi.
9. J/Tissorvelja u j/żżomm sistema ta’ ppjanar għall-komunikazzjoni diġitali għal timijiet differenti u j/tmexxi l-ippjanar u l-laqgħat tal-għarfien espert ta’ kull ġimgħa.
10. J/Tikkontribwixxi għall-kejl kontinwu u l-evalwazzjoni tal-attività tal-midja soċjali tal-MICAS u j/taħdem fuq modi ġodda biex j/turi l-impatt.
11. I/Twassal komunikazzjoni interna biex j/timmotiva lill-persunal u l-voluntiera tal-MICAS biex tikber l-attività fuq il-midja soċjali.
12. J/Taħdem mas-superjuri tiegħu/tagħha biex i/żżomm il-politika, il-proċeduri u l-linji gwida tal-midja soċjali aġġornati u biex j/tiżgura li dawn jiġu kkomunikati b’mod effettiv.
13. J/Tattira t-traffiku lejn il-paġni tal-midja soċjali u s-sitweb tal-MICAS.
14. J/Tippreżenta rapport kull ħmistax dwar l-analitika tas-sitweb.
15. J/Tattendi taħriġ kif mitlub(a).
16. I/Ssegwi l-fatturi maħruġa mill-fornituri assenjati lilu/ha.
17. J/Toħloq titli għal blogs u j/ssegwihom biex ittella’/ttellgħa mqar wieħed kull xahar.
18. Il-blogs jistgħu jintużaw għal bulettini li jinħarġu kull xahar.
19. I/Ssegwi artikli lesti għal pubblikazzjonijiet u rivisti.
20. J/Toħroġ rapporti kull ħmistax marbuta mal-midja soċjali.

o          J/Tibboostja powsts skont il-baġit stipulat.

o          J/Taġġorna n-nefqa fuq il-powst ibboostjat fuq il-baġit.

o          I/Ssegwi l-aġġornamenti kontinwi fuq l-immaġni mill-vidjografi u l-fotografiu.

o          J/Tiżgura li l-fotografi u l-vidjografi huma disponibbli għal tragwardi ġodda.

1. Kwalunkwe kompitu ieħor li jista’ jiġi assenjat mill-Maniġer (Komunikazzjoni u Marketing) u l-Kap Eżekuttiv biex jitwieżnu l-avvenimenti u l-proġetti mtellgħin mill-MICAS.

Il-Ħinijiet tax-Xogħol

Fit-tħejjija għal xi avveniment, ħinijiet normali tal-uffiċċju japplikaw, imma fil-jiem qrib tal-avveniment, il-persuna magħżula tintalab taħdem ħinijiet żejda filgħaxijiet u matul tmiem il-ġimgħa.

Il-Ħiliet u r-Rekwiżiti

Sad-data u l-ħin ta’ skadenza ta’ din l-espressjoni ta’ interess, il-kandidati jrid ikollhom:

• Kwalifikazzjoni rikonoxxuta fil-Livell 6 tal-MQF fil-Marketing, Marketing Diġitali, ir-Relazzjonijiet Pubbliċi, il-Komunikazzjoni tal-Massa jew l-Arti u tliet (3) snin esperjenza fil-ġestjoni ta’ pjattaformi tal-midja soċjali.

jew

• Kwalifikazzjoni rikonoxxuta fil-Livell 5 tal-MQF fil-Marketing, Marketing Diġitali, ir-Relazzjonijiet Pubbliċi, il-Komunikazzjoni tal-Massa jew l-Arti u ħames (5) snin esperjenza fil-ġestjoni ta’ pjattaformi tal-midja soċjali.
• Ħiliet ta’ kitba eċċellenti.
• Għarfien ta’ tekniċi ta’ ottimizzazzjoni tal-magni tat-tiftix.
• Għarfien tar-regolamenti tal-akkwisti pubbliċi tal-gvern.
• Ħila ta’ ħidma taħt pressjoni u dati ta’ skadenza fil-qrib, ħila ta’ bilanċ fit-tmexxija ta’ proġetti multipli.
• Ħiliet ta’ komunikazzjoni interpersoni tajbin.
• Ħila ta’ segwiment ta’ ordnijiet u ħidma f’ambjent koordinat.
• Ħakma tajba tal-Malti u l-Ingliż.
•  

Il-Kuntratt għat-Termini tas-Servizz

Pagament: €2,500 fix-xahar NETTI.

Il-kuntratt: Dan hu ‘Kuntratt għal Servizz” għal sentejn (2) li jista’ jiġi mġedded għal sena (1) oħra.

Il-Ħinijiet tax-Xogħol: L-iskeda ġenerali tax-xogħol hija ta’ erbgħin (40) siegħa fil-ġimgħa. Skeda tax-xogħol flessibbli u sigħat ta’ xogħol addizzjonali jistgħu jkunu neċessarji biex jintlaħqu r-rekwiżiti ta’ din il-pożizzjoni. Jista’ jkun ukoll li l-iskeda ta’ xogħol tinkludi sigħat filgħaxija u matul tmiem il-ġimgħa. Ir-reponsabiltajiet u l-ħtieġa ta’ interazzjonijiet ta’ din il-pożizzjoni mhumiex kompatibbli ma’ xogħol minn distanza.

Il-kandidati eliġibbli se jintalbu jattendu għal intervista biex tiġi vvalutata l-adegwatezza tagħhom għal dawn id-dmirijiet.

Il-kwalifikazzjonijiet u l-esperjenza mistqarra jridu jiġu sostnuti b’ċertifikati u/jew testimonjanzi, u kopji tagħhom iridu jinhemżu mal-applikazzjoni flimkien mal-applikazzjoni. Iċ-ċertifikati oriġinali u/jew it-testimonjanzi għandhom jintwerew għal verifikazzjoni waqt l-intervista. Ma tapplika ebda eċċezzjoni għal dan ir-rekwiżit.

Ir-riżultat tal-proċess tal-għażla se jiġi ppubblikat u eżibit fuq l-avviżiera tal-MICAS.

Il-persuni interessati għandhom jibagħtu email bl-aħħar Curriculum Vitae tagħhom, kopji taċ-ċertifikati u portafoll flimkien ma’ ittra li tispjega kif il-ħiliet u l-esperjenza tagħhom jistgħu jissodisfaw l-ispeċifikazzjonijiet ta’ din is-sejħa fuq people.micas@micas.art.

Id-data ta’ skadenza għal applikazzjonijiet: Nhar it-Tnejn, it–18 ta’ Novembru 2024 f’nofsinhar.

Applikazzjonijiet li jaslu wara l-ħin u d-data ta’ skadenza ma jiġux aċċettati.

L-applikanti jingħataw sa jumejn (2) tax-xogħol wara d-data ta’ skadenza jew jumejn (2) tax-xogħol wara notifikazzjoni, liema hija l-aktar riċenti, biex iressqu kwalunkwe dokumenti mhux korretti, mhux kompluti jew neqsin.